Инклузивен ИТ сектор во Македонија

Работилницата Инклузивен ИТ сектор во Македонија е дел од проектот на УСАИД за Социјална инклузија преку технологија, а се имплементира од страна на Фондацијата „иВоте“, во партнерство со Здружението на граѓани „Отворете ги прозорците“ и „Здружението на младинци и студенти со хендикеп“.

            Проектот на УСАИД за Социјална инклузија преку технологија е насочен кон поддршка на младите луѓе со различен вид на попреченост да станат дел од пазарот на труд, посебно во брзо-растечкиот сектор на информатички и комуникациски технологии. Особено се цели кон развивање на нови стручни обуки за млади лица со попреченост кои вклучуваат е-учење и практична обука во компании, како и  поголема инклузивност и зголемено учество на млади лица со попреченост во ИКТ секторот во Македонија.